कार्तिक १९, २०८२ / 2025-11-04
काठमाडौं १, पुस । मण्डला थिएटरमा नाटक ‘पगला घोडा’ पुस १२ गतेदेखि मञ्चन हुने भएको छ ।
थिएटर आकारको प्रस्तुति रहेको उक्त नाटक माघ ६ गतेसम्म सोमबार बाहेक हरेक दिन मञ्चन हुने जनाइएको छ । शनिबार भने दुई शो हुनेछ ।
भारतीय नाटककार बादल सरकारको कथा रहेको नाटकलाई नेपाली भाषामा अनुवाद गरी मञ्चन गर्न लागिएको हो । नाटकलाई घनश्याम श्रेष्ठले निर्देशन गर्दैछन् ।
पछिल्लो समय विभिन्न कारणले आत्महत्या गर्ने युवाको विषयवस्तुलाई प्रस्तुत गरेर समाजमा चेतना जगाउने उद्देश्यले नाटक मञ्चन गर्न लागिएको श्रेष्ठले बताए ।
नाटकमा प्रमोद अग्रहरी, मलिका महत, आशान्त शर्मा, विजय ताम्राकार, बिम्ब अधिकारी लगायतको अभिनय रहनेछ ।
सुष्मा कोइराला सहायक निर्देशक र शंकर भण्डारी स्टेज म्यानेजरको रुपमा रहेका छन् । ‘पगला घोड’को नेपाली अनुवाद शिव खाँड ठकुरीले गरेका हुन् ।
